今日當然要煎返底食下先~~

又.....................蘿蔔糕~(附食譜)

話說..原本都話要收爐了~~~~因為仲欠落一街糕數..........今晚有D時間就整返一轉還下債先啦~~~~~~~~~~~~


而家先蒸緊...唔知幾點先訓得> <

第一轉出爐了

終於搞掂去訓.....4:33am....=0=

每次整都會有小小唔同~~今次就記錄一下~~^^

4-2-2014

蘿蔔糕 食譜

今次整既蘿蔔糕 去皮後重量 大約有6.5斤(大約3932.5g)

材料:

蘿蔔 (6.5斤) (4分1切粗條,其餘用刨,刨好的蘿蔔絲,將水隔出留起用黎開粉漿)

臘腸 6條 (剪細粒狀)

臘肉 1 條(剪細粒狀)

蝦米 55g (洗淨浸軟,若大粒剪細粒狀,浸完的水不要倒,加去蘿蔔水到備用)

瑤柱 7粒(我用大粒,洗淨浸水蒸15-20分鐘後撕成絲, 浸完的水不要倒,加去蘿蔔水到備用)

粉材料:

我一般1斤(605g)蘿蔔對100-110g粉,其實都要睇下蘿蔔水份多唔多,要自行調較,今次水比較多

粘米粉  600g   栗粉 70g  澄麵 20g

調味料:

雞粉    魚露   胡椒粉  糖

煮蘿蔔時試味去調整

做法:

1.  先處理好蝦米,瑤柱和蘿蔔,留起瑤柱水,蝦米水和蘿蔔水開粉漿拌勻。

2.  將臘腸和臘肉用熱水沖下再洗淨,蒸軟後用剪刀剪細粒狀備用。

3.   開鑊(不需加油),將臘肉 和 臘腸粒爆一下,再加入蝦米和瑤柱絲爆香,盛起備用(臘味粒會出好多油,盡量不要盛起油,留在鑊用來一陣炒蘿蔔)

4.   用剩下的油先下切粗條的蘿蔔條,轉至透明再將蘿蔔絲倒入去炒,加入調味料拌勻,炒時會出好多水,一直用大火炒至水份小一點,下臘味..炒勻(留起一部份臘味粒最後鋪面用)

5.   分幾次加入粉漿(我用中大火),每次加時先拌勻一下粉漿再倒入去拌,每落一次都拌勻再加,直至加完所有粉漿。

6.   加粉漿時開始結就轉細一點火,因為我用不沾鑊,所以中大火都不會痴底,到好結時會用小火,最重要每次下完粉漿都要拌勻,拌到最後一定要好結身就完成。

7.   將蘿蔔糕糊倒去模,面鋪上錫紙,大火蒸熟~今次我用了6個長方鍚紙盤和一中一小多士模,蒸了1小時15分(中型多士模就用了1小時30分,若用再大點的模自行加時間!(蒸好後用牙簽插入沒粉痴住就熟)

8.   拿起鍚紙,趁熱在面鋪上留起的臘味粒~輕輕壓一下(咁切果時唔會咁易甩哂出黎),待涼後放去雪櫃雪一晚就完成!

Ps:

l   臘味粒剪細點,切同煎時會靚d,唔會好易甩~

l   若果唔係用不沾鑊就小心火力,下粉就盡量唔好用咁大火~

l   拌好的蘿蔔糕糊係好結好結~~一定要拌勻,一定要蒸透!!

新年前最後一轉的蘿蔔糕~~希望好友們喜歡^^

送給好友們的蘿蔔糕~~~希望會喜歡啦~~~^^

2014年第一次蘿蔔糕~~(附食譜)

今天要開始做蘿蔔糕送給親友,我和家人十分喜歡吃~~所以不是新年我都常常整黎食~~

今次跟上次一樣,好好記錄我做完的食譜,好等自己或朋友們參考^^

我的蘿蔔糕食譜2014年1月11日

材料:

共6盤6吋圓形膠盤

白蘿蔔8斤(去皮後4463g= 7.3斤)

6條臘腸  1條臘肉

小粒蝦米45g(浸蝦米的水加埋落開粉漿)

瑤柱絲46g(樽裝即食瑤柱) 或用乾瑤柱浸軟撕成絲備用,浸完的水加埋去開粉漿)

粘米粉420g  栗粉190g  澄麵80g (整好蘿蔔後的蘿蔔水用黎開粉漿)

調味:  雞粉  魚露  胡椒粉  糖  (自己加減調味..我隨意的!)

做法:

1 蝦米先洗淨 用水浸軟後 將蝦米拿起備用(蝦米水留起不要倒)

2 瑤柱洗淨浸水蒸軟後撕成絲備用,浸過的水不要倒留起(用即食可略過)

3 臘味用熱水過一下洗淨 蒸軟後切粒備用(我用剪刀剪細粒)

4 蘿蔔去皮後 我4分1是切絲(要切短) 其餘是用刨的 (因為我喜歡咬到蘿蔔 所以我會切絲(你亦可以全刨) ,用刨的會好多蘿蔔水(記得留起備用)

5 先將切好的臘味爆香再加蝦米 最後加瑤柱,爆好後裝起備用 (留起小小用黎最後鋪面)

6 將 蝦米水 瑤柱水 蘿蔔水 用黎開粉,拌勻。

7 先開鑊下油炒切的蘿蔔絲,炒至軟一點再加刨的蘿蔔,(火不用太大)炒至軟身透明就下調味料,(火再細一點,因為怕下粉太大火會乾)炒勻後加準備好的臘味粒拌勻再開始加粉漿(要分多次加入,而且每加一次都要拌勻) (重點一定要拌得勻 , 最後拌出來是要結身不能稀)

8 倒去盆到 (盆最好有蓋或用錫紙蓋好,就不會面有太多倒汗水弄到太濕)

蒸的時間,如果用6吋模是大約用60分鐘!

9 蒸好後將剩低的料鋪面,待涼就可以放雪櫃。雪一晚先切黎煎,配韓國辣椒醬很好吃!

臘味蘿蔔糕(附食譜)

臘味蘿蔔糕

材料 蘿白(斤數是去了皮的重量) 臘味(隨你) 蝦米(隨你) 瑤柱(數粒)或用樽裝瑤柱 金華火腿(小量 可加可不加) 冬姑(可加可不加,若加先浸軟洗淨切粒)

因為我喜歡吃軟綿綿的蘿蔔糕, 所以不會只用粘米粉。(自己調教粉的比例做自己喜歡吃的質感)    

粘米粉(如果想硬身點就全用粘米粉 ,如果想軟一點 我會加鷹栗粉 和澄麵 

我多是以去了皮的蘿蔔 1斤(16兩 605克)對100-110克粉類

呢次我用了3斤幾蘿蔔(去了皮)

將蘿蔔4分1切絲(我喜歡咬到蘿蔔,要切得比較短,因為到要食切片時太長會拉到散哂 其餘刨就可以)

320g 粉 ( 粘米粉200g 栗粉70g  澄麵粉50g) 

呢個做出黎剛好切得靚唔會散,但就會軟身一點,想硬D就粘米粉放多點

1孖臘腸 半條臘肉 蝦米 樽裝瑤柱

調味: 雞粉, 胡椒粉, 小許 鹽 ,我有加一點魚露,份量我也是隨意

1 蝦米先洗淨 用水浸軟後 將蝦米拿起備用(蝦米水留起不要倒)

2 瑤柱洗淨浸水蒸軟後撕成絲備用,浸過的水不要倒留起

3 臘味用熱水過一下洗淨 蒸軟後切粒備用

4 蘿蔔去皮後 我4分1是切絲 其餘是用刨的 (因為我喜歡咬到蘿蔔 所以我會切絲(你亦可以全刨) ,用刨的會好多蘿蔔水(記得留起備用)

5 先將切好的臘味爆香再加蝦米 最後加瑤柱,爆好後裝起備用 (留起小小用黎最後鋪面)

6 將 蝦米水 瑤柱水 蘿蔔水 用黎開粉,拌勻。

7 先開鑊下油炒切的蘿蔔絲,炒至軟一點再加刨的蘿蔔,(火不用太大)炒至軟身透明就下調味料,(火再細一點,因為怕下粉太大火會乾)炒勻後開始加粉漿(要分多次加入,而且每加一次都要拌勻) 最後加入臘味 蝦米 ...材料拌好 (重點一定要拌得勻 , 最後拌出來是要結身不能稀)

8 倒去盆到 (盆最好有蓋或用錫紙蓋好,就不會面有太多倒汗水弄到太濕)

蒸的時間,如果用6吋模是大約用45-60分鐘

我今次用2條多士模剛剛好,但就蒸80-90分鐘。

9 蒸好後將剩低的料鋪面,待涼就可以放雪櫃。雪一晚先切黎煎,配韓國辣椒醬很好吃!