特濃芒果乳酪慕士果凍夾心蛋糕(附食譜)

特濃芒果乳酪慕士果凍夾心蛋糕

因為我用海棉蛋糕做底比平常用的餅底厚,所以我以下的份量可以做多個 5吋迷你蛋蛋糕! 如果用餅碎做餅底就應該岩岩夠1個7吋蛋糕用。 因為我用芒果茸的比例比較多,所以芒果味道比較濃 芒果(我用芒果比較多,看個人喜好,我連裝飾共用了7個芒果) 部份打成茸 部份切條切粒 其餘隨意做裝飾

芒果果凍材料: 芒果茸30g 果凍粉9g 或 魚膠粉3-4g(我用果凍粉,魚膠粉我是估計大約份量) 糖小許 熱水75g

做法: 先將糖、果凍粉/魚膠粉加熱水拌溶 加芒果茸拌勻,倒去5吋模放去雪櫃備用。(模裡我會鋪上保鮮紙,哪脫膜就好方便!!)

慕士材料: 芒果乳酪 1杯 淡忌廉 200g 全蛋1隻 魚膠粉18g(加小許熱水座溶) 糖130g (用來打忌廉和全蛋) 芒果茸320g(用部份芒果肉打成茸放去雪櫃備用)

做法:

1.先將忌廉打至企身,放雪櫃備用。

2.魚膠粉先座熱備用。

3.全蛋加糖座熱水打至乳白忌廉狀,加入魚膠液、芒果茸和乳酪,拌勻後分多次加入巳打好的忌廉拌勻。

組合:

7吋甩底模外先包好保鮮紙/鍚紙,再鋪上卡紙,放一片蛋糕(我用5吋) 蛋糕片外邊鋪小許芒果粒,倒部份慕士再放幾條芒果條再鋪慕士雪一下,面有小許凝固後鋪上果凍再倒慕士(剩小許位不要倒滿)放去雪櫃雪至凝固! 雪好後可以隨自己喜好裝飾,可用啫喱粉加芒果鋪面或其他生果,又可以用朱古力^^整好就可以脫模 用剩的慕士,用一個5吋甩底模,模外先包好保鮮紙/鍚紙,再鋪上卡紙,放一片蛋糕,倒小許慕士再加芒果粒再倒剩餘慕士。 面又是可以用啫喱粉和芒果肉裝飾,雪至凝固脫模!