自制洛神花果醬(附食譜)

洛神花醬

材料：

洛神花

糖（白糖 黃糖 黑糖等等。。。隨你喜歡）

份量 想擺耐d就最好是1比1即是1份花瓣對1份糖最小都1比0.8

檸檬汁

仲有用熱水煲過消毒後瀝乾水的玻璃樽 備用

先將洛神花清洗乾淨要多次浸鹽水和沖洗洗好後將花芯拆出來拆好後再沖洗一下

花瓣盡量瀝乾水

1。將花瓣用機打碎備用。

2。將花芯加小小水用中火煮下，煮到出哂膠同出味就拎返起哂花芯。

3。將巳打碎的花瓣倒落去，再加糖煮，煮到開始結再加檸檬汁，覺得結度岩就倒去玻璃瓶後關蓋並倒轉放涼，完成。

P.s. 煮花芯時唔好太多水，因為花瓣煮時都會出水，太多水份就好難煮得結身會變得好稀。

 煮完入樽後 煲或鑊 還有醬，可以加水煲一陣就有花茶飲煮好的醬 唔止可以做果醬，平時加熱水當花茶飲，好好味的，配檸檬一樣得，自由配搭！仲可以加水加魚膠粉做啫喱 果凍之類做蛋糕或麵包都得，味道酸酸甜甜好好味。